Rabu, 18 Januari 2012

Jelang Semi Final Dan Final Lomba Nyanyi Mandarin Imlek Betawi

Woiii...jangan pade lupe pasang ring bek tun buat nada sambung hape ye..neh..lagu muanteb dah..laen daripade nyang laen..imlek gaya si Pitung ama nyai Dasimah:
NSP lagu imlek Betawi:
GONG XI FA CAI HONG BAO NA LAI

Telkomsel/fleksi/3/axis/esia/smart 2323817
fren 4223817
XL 10905995
Indosat 0801307


Kalu mau beli CD imlek : pesen aja di 081298795610 Harganya Rp 30.000,-

Artikel siarannye mpok Rani di Bens Radio
Minggu lalu, dapat undangan ngalur ngidoel di Bens Radio 106.2FM...bisa dibilang seneng banget ntu hari. Masalahnye, ngefens buanget sama alm Benyamin S. Dulu sewaktu babe Bens masih idup, ketemu cuma beberapa kali aje. Trus juge msh piyik ga ngerti kudu ngobrol ape ...giliran udah gede pengen ketemu, ehh...udah keburu dipanggil Allah. Maangkenye pas dapet undangan talk show tuh girang buanget..masuk ke studio siarannye di Jagakarsa berasa udah kayak ada si Babe aje. Foto dipajang dimane2...manteb banget dah ruang siarannye. Aura Benyamin sang legenda Betawi bener2 berasa banget.
Pagi itu, dapet telepon cukup banyak intraktifnye. Banyak nyang dengerin. Banyak nyang demen waktu mpok Rani nyanyiin lagu betawinye si Babe pake bahasa Cina. hehe...pada takjub, pada ngejerin dimane bisa dapetin ntu kaset ntu sidi..wahahahahah..manteb dah...Insyaallah ye ncang ncing nyak babe...pokoknye kalo tuh sidi ato kaset ...mang masih ade ye kaset??? tar kalo dah kluar pokoknye mpor Rani umumin dah...
Nah...ngomong2 soal Betawian neh, jangan lupa...pada dateng ye tanggal 4 ame 5 pebruari di mangga dua squere tuh...di lantai nyang ade ruti bretolk ntu...jem atu ampe jem tujuh kite ngumpul nyok..nontonin nyang pade lomba nyanyi lagu betawi gaya mandarin neh...unik dah pokoknye. Kapan lagi kite bisa same2 pake baju betawian barengan keren2 cantik2 kan..jarang2 mpok..abang...
Mangkenye...peserta kudu cepetan siapin ntu baju2 buat show dah..
Pantengin terus mangkenye acara mpok Rani ame abang Toni tiap rabu jem atu ampe jem empat ye...hari ini neehhh....
 
o iye...kalu peserta ribet kaga tau harus kemane beli baju betawian, cari aje di mangga dua pasar pagi noh, di ITC cempaka mas noh,....buanyak dah...dandan nyang cakep pokoknye. pan ada kategori busana terbaik juge tarnye..hadiahnya,,,manteb dahhh
 
jangan lupe ye...ajak orang2 se-erte dah ..dateng tuh meng tempat acara lombanye tanggal 4 ame 5 pebruari di Mangga Dua Squere. seeeeeep suuuiiiit suuuiiiit

0 komentar :

Posting Komentar

Review Produk